As lavandas de Ramón Neto

Vén de chegarnos ¡desde Bruxelas! un exemplar de As lavandas adáptanse a todo erro de navegación, o libro co que Ramón Neto obtivo o ano pasado o Premio de Poesía Miguel González Garcés, un dos de máis longa andaina nas nosas letras.

ramón neto-as lavandas

Co seu libro anterior, A estación única dunha illa, Ramón Neto obtivo en 2009 a XXII edición do Premio Nacional de Poesía Xosemaría Pérez Parallé. Despois dese primeiro paso que deu connosco, agora dá un segundo gran paso, sumándose a unha listaxe de poetas galardoados no premio da Deputación da Coruña que conta con nomes tan senlleiros como o de Estevo Creus, Marta Dacosta, Ramiro Fonte, Medos Romero, Miguel Anxo Fernán Vello, Xosé María Álvarez Cáccamo ou Luz Pozo Garza entre outros.

ramón neto

Celebramos estas novas como se fosen logros nosos e non nos cansamos nunca de dicir canto nos aleda ver que o Pérez Parallé segue a demostrar que dá bos froitos.

 

Presentación en Compostela

O pasado día 13, xoves, presentouse en Compostela Ata o corazón da mazá, o libro co que Marisol Gándara Sánchez obtivo a XXV edición do Premio Nacional de Poesía Xosemaría Pérez Parallé.

lorena, marisol, miguel anxo

O acto contou coa participación de Miguel Anxo Fernán Vello, editor do libro e de Lorena Souto, gañadora da XXIV edición do Premio, quen lle fixo os honores ao libro de Marisol Gándara.

lorena, marisol

Para pechar, o público que enchía a Libraría Couceiro (entre os que se contaba tamén Mario Regueira, gañador da XVIII edición e Eduardo Estévez, coordinador do Premio), puido escoitar unha selección de textos na voz da autora.

marisol

O libro bota a voar e xa estamos preparando a próxima edición do Premio da que xa se poden descargar as bases.

Presentación de “Ata o corazón da mazá” en Compostela

ata o corazón da mazá - portada

Este xoves 13 ás 20h na libraría Couceiro, na praza de Cervantes de Santiago de Compostela, Lorena Souto fará a presentación do libro gañador da XXV edición do Premio Nacional de Poesía Xosemaría Pérez Parallé: Ata o corazón da mazá, de Marisol Gándara Sánchez. O acto contará coa presenza do editor, Miguel Anxo Fernán Vello.

 

Presentación de “Ata o corazón da mazá”

Aquí tendes unhas fotos da presentación de Ata o corazón da mazá, o libro de Marisol Gándara Sánchez que obtivo a XXV edición do Premio Nacional de Poesía Xosemaría Pérez Parallé.

O acto tivo lugar o pasado sábado e contou coa presenza, ademais da autora, de Miguel Anxo Fernán Vello, editor do libro, Lorena Souto, gañadora da anterior edición, e de Eva Veiga, quen fixo a presentación.

presentación marisol

Na mesa aparece tamén un representante da Deputación da Coruña, colaboradora do Premio, así como de Gumersindo Gallego, alcalde de Fene e Manuel Romero Rey, Presidente do Círculo Mercantil e Industrial-Unidade de Fene, quen fixo de anfitrión do acto.

A actuación de Airiños de Fene púxolle o peche a un acto que sempre é unha ocasión feliz de celebrar a entrada dunha nova voz no mundo da poesía en lingua galega e un recordatorio constante da figura senlleira de Xosemaría Pérez Parallé.

presentación marisol