O pasado día 13, xoves, presentouse en Compostela Ata o corazón da mazá, o libro co que Marisol Gándara Sánchez obtivo a XXV edición do Premio Nacional de Poesía Xosemaría Pérez Parallé.
O acto contou coa participación de Miguel Anxo Fernán Vello, editor do libro e de Lorena Souto, gañadora da XXIV edición do Premio, quen lle fixo os honores ao libro de Marisol Gándara.
Para pechar, o público que enchía a Libraría Couceiro (entre os que se contaba tamén Mario Regueira, gañador da XVIII edición e Eduardo Estévez, coordinador do Premio), puido escoitar unha selección de textos na voz da autora.
O libro bota a voar e xa estamos preparando a próxima edición do Premio da que xa se poden descargar as bases.