Publicadas as bases da XXV edición do Premio

Xa está aberto o prazo para remitir os vosos libros para participar na XXV edición do Premio Nacional de Poesía Xosemaría Pérez Parallé.

Podedes consultalas nesta páxina ou descargalas en formato PDF.

Neste ano de celebración dos 25 anos do Premio, engadimos unha gratificación simbólica de 500 € para o autor ou a autora do libro gañador.

O prazo está aberto até os primeiros días do outono, pero non o deixedes para última hora!

Lorena Souto presentou Fase de Trema en Compostela

Onte, na libraría Couceiro de Santiago de Compostela, tivo lugar a segunda presentación de Fase de Trema, o poemario co que Lorena Souto obtivo a XXIV edición do Premio Nacional de Poesía Xosemaría Pérez Parallé.
presentación lorena souto en compostela
Como no acto do pasado día 16 de maio en Fene, a autora estivo acompañada da crítica literaria Antía Marante. Ademais, nesta ocasión contou coa presenza da escritora e profesora Manuela Palacios e mais do editor do libro, o poeta Miguel Anxo Fernán Vello.
presentación lorena souto en compostela
presentación lorena souto en compostela
O acto contou cunha boa participación de amigos de Lorena que ao remate fixeron cola para poder levar un exemplar asinado.

pd: Grazas a Mario Regueira polas fotos!

Presentado o libro gañador da XXIV edición do Premio

O mércores pasado, véspera do día das Letras, presentouse no Círculo Mercantil e Industrial-Unidade de Fene Fase de trema, o libro co que Lorena Souto obtivo o ano pasado a XXIV edición do Premio Nacional de Poesía Xosemaría Pérez Parallé.
presentación lorena souto fene
A autora estivo acompañada por Antía Marante, crítica literaria que fixo unha boa disección da obra gañadora.
O acto estivo presidido por José Manuel Romero, presidente do Círculo e mais contou coa participación do alcalde de Fene, Gumersindo Galego.
presentación lorena souto fene
Desta volta, tamén o público acompañou: a sala estaba como nos seus mellores tempos, chea de amigos, familiares e socios do Círculo Mercantil e Industrial-Unidade que puideron presenciar, unha vez finalizado o acto, da representación de A Sobela, texto teatral de Xosemaría Pérez Parallé, a cargo do grupo de teatro que leva o seu nome, adaptado por Carlos Basoa.
presentación lorena souto fene