Dáse a coñecer o xurado deste ano

baldo ramosRematado xa o prazo de presentación de orixinais para a XXII edición do Premio Nacional de Poesía Xosemaría Pérez Parallé, O Círculo Mercantil e Industrial-Unidade de Fene fai pública a composición do xurado que escollerá a obra gañadora de entre os 28 orixinais presentados a concurso.

Nesta ocasión, estará composto por: Carme Bar Cendón, susana arínsLicenciada en Historia da Arte, que foi profesora de ensino medio e Directora da Biblioteca de Narón; Baldo Ramos, poeta e artista plástico, que exerce como docente de Lingua e Literaturas Española e Susana Sánchez Aríns, gañadora da XXI edición do Premio Nacional de Poesía Xosemaría Pérez Parallé, tamén docente de ensino medio.

A decisión sobre a obra gañadora do premio darase a coñecer a mediados de novembro.